13 Fevral, 2012 tarixində keçirilən mətbuat brifinqində Bakı 2020 Təşkilat Komitəsinin İcraçı Direktoru Könül Nurullayeva ölkəmzin Olimpiya Oyunlarına iddia ərizəsini Beynəlxalq Olimpiya Komitəsinə (BOK) təqdim etmək üçün yüksək səviyyəli nümayəndə heyətimizin İsveçrənin Lozan şəhərinə yola düşdüyünü bildirdi

Bakı 2020 Təşkilat Komitəsində yeni vəzifəsi ilə yanaşı E.Məmmədov həmçinin bu ilin sentyabr ayında Bakıda keçiriləcək U-17 FİFA Qadınlar arasında Futbol üzrə Dünya Çempionatınına hazırlıq işlərinə də rəhbərlik edir. Bundan başqa, Elxan Məmmədov UEFA-nın Sosial Məsuliyyət və Ədalətli Oyun Komitəsinin Vitse Prezidenti və UEFA-nın Oyunlar üzrə Nümayəndəsidir.

Bakı, 23 Yanvar 2012 – Dünyanın aparıcı araşdırma şirkətlərindən olan TNS Globalın apardığı rəy sorğusu Azərbaycan əhalisinin 95%-nin Bakı şəhərinin 2020 Olimpiya və Paralimpiya Oyunlarına Ev Sahibliyi üçün namizədliyini dəstəklədiyini aşkar etdi. 2011-ci ilin dekabrında keçirilən rəy sorğusunun nəticələrinə əsasən ölkə əhalisinin 93%- i Olimpiya Oyunlarının Bakıda keçirilməsinin Azərbaycanda idmanın inkişafına güclü təkan verəcəyinə inanır.

Azərbaycan Respublikası Prezidenti cənab İlham Əliyev Azərbaycanda idmanın inkişafını sürətləndirmək, Olimpiya hərəkatını genişləndirmək və London Olimpiya Oyunlarında idmançılarımızın yüksən nəticələr göstərməsi üçün ölkədə 2012-ci ili “İdman İli” elan etmiş və müvafiq sərəncam imzalamışdır. Sərəncama əsasən Azərbaycan Respublikası Gənclər və İdman Nazirliyi və Nazirlər Kabineti yaxın müddətdə müvafiq tədbirlər planı hazırlayacaq.