Azərbaycanlılar qədimdən bəri irqindən, mədəniyyətindən və ya inanclarından asılı olmayaraq dünyanın hər yerindən gələn qonaqları səmimiyyət və mehribanlıqla qarşılamaq ənənələrini qoruyub saxlayırlar. Elə o zamanlardan Azərbaycan Şərqlə Qərbin mübadilə mərkəzinə çevrilmişdir. İnsanlar özlərinin sənət işlərini, texnologiyaları, ideyalarını və inanclarını bölüşmək üçün burada bir araya gələrdilər.

Əsrlər bu günədək davam edən bu birliyin gücü sayəsində Azərbaycan hazırda iqtisadiyyatı yüksək sürətlə inkişaf edən dünya ölkələrdən biridir. Bizim Olimpiya Oyunlarına ev sahibliyi etmək üçün namizədliyimiz Bakı və Azərbaycanın elm, təsil, idman və texnologiyalara əsaslanan güclü iqtisadiyyata malik dünya mərkəzlərində birinə çevrilməsi prosesinin bir hissəsidir.

Müsbət dəyişikliklər üçün katalizator olan Olimpizmin bizə verdiyi imkanlar vasitəsilə biz birlikdə öz ölkəmizdə baş verən müsbət dəyişiklikləri və tərəqqini, eləcə də idmanımızın inkişafını sürətləndirə bilərik.